في بودكاست " دُمْ تَكْ" بنروي قصص عن الموسيقى العربية، في الموسم الأول واللي كتب جزء منه فريق معازف، روينا على قصص بتستحقّ نحتفي فيها عن سيرة فنّانات عربيّات، موهبتهم جابتلهم وجعة راس بحياتهم، بس أنتجتلنا مخزون موسيقي منروّق فيه راسنا. وفي الموسم الثاني، رح ناخدكم برحلة صوتية بنمرّ من خلالها على كل ألوان الموسيقى الدارجة في العالم العربي، ورح نتعرّف على فنّانين وفنّانات شكّلوا ثقافة جيلنا الموسيقية. وكمان رح نستعرض أنواع موسيقى مثل البوب والروك والراي، ورح نروي قصص عن وجودها بالوطن العربي، وعن الفنانين اللي تبنوها من منطقتنا. ابحثوا عن دُمْ تَكْ على كل التطبيقات من آبل بودكاستس وغوغل بودكاستس وأنغامي وساوندكلاود وسبوتيفاي وستيتشير وغيرهم وانتظرونا بحلقة جديدة كل أسبوع.