Hesi fólk eru við í sendingini: Magnus Dam, Beinta Ejdesgaard, Johannes Miðskarð, Barbara Langgaard, Niklas Reginsson, Johan Ejvind Restorff Mouritsen, Anna Kristina Jespersen, Simona Nielsen, Lív Mikkelsen og Niels Joensen.

Við Tórði á túri

Við Tórði á túri við Myllutjørn í Hoyvík

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.

About

Við Tórði á túri