Við í hesi seinnu sendingini frá Sanatoriinum eru hesi fólk: Símun Dalsgaard, Dinna Petersen, Leivur Johannesen, Katrin Samuelsen, Erland Viberg Joensen,  Enna Garðshorn Mikkelsen, Eyolfur Mikkelsen, samrøðubrot frá 1990, og Gunnar Hoydal, sum lesir brot úr stuttsøgu hjá pápanum Karsten Hoydal

Við Tórði á túri

Við Tórði á túri á Sanatoriinum í Hoydølum (2:2)

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.

About

Við Tórði á túri