Spæld verða hansara kendastu einstaklingaløg, umframt eitt hjá Kjølum, ið var bólkurin, sum fyrstu nógvu árini var Signarsa grundvøllur. Men prátevnini eru eisini onnur enn tónleikur. Millum annað spældi Signar í Homrum fyri LGBT í 2014 og vit spyrja, hvat tað hevur við hansara lívsáskoðan at gera. Plátubarrin nýggjársaftan 2021  

Plátubarrin

Gamlaárskvøld í Plátubarrini: Signar í Homrum um tónleikin og lívið

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.

About

Plátubarrin