Miscellaneous
Kosmos 94.1 — Eskom in Gauteng waarsku kliënte dat die aanvraag na elektrisiteit toeneem tydens die kouefront in die provinsie. Temperature sal na verwagting oor die volgende aantal dae na onder vriespunt daal. Eskom vra dat verbruikers elektrisiteit spaarsamig gebruik. City Power het intussen gesê hulle probeer steeds om krag te herstel nadat drie substasies ingegee het wat inwoners sedert Donderdag sonder elektrisiteit gelaat het in die sentrale sakekern van Johannesburg, Jeppestown en Marshalltown. Eskom sal vandag Fase 2 beurtkrag instel tot vanaand 10 uur en weer môre-oggend van 9 uur tot 10 uur môre-aand. Ted Blom, die Suid-Afrikaanse Energiekenner het met Kosmos 94.1-Nuus gepraat.