About

పరులకి నువ్వొక పరికరం

తాము అనుకున్నది సాధించే క్రమంలో నువ్వొక సాధనం

ఒకరి ఆటలో నువ్వు పావుగా మారటం

తాను గెలవడానికి నిన్ను ఆయుధంగా వాడటం

అన్నీ తెలిసి కూడా ఏమీ అనలేం 

సగటు ఉద్యోగికి ఇది సర్వ సాధారణం 


గాడిదలా భారం మోస్తూ

చెప్పిందానికల్లా తలాడిస్తూ

నీ శక్తిని ఇంకెవరికో ధారబోస్తూ 

పొట్టనింపుకోవడమే కదా నీ ఉద్యోగం

చచ్చే వరకు బ్రతుకుని ఇలా నెట్టుకు పోవడం మూర్ఖత్వం


పని చేసే శ్రామికుడివి నువ్వైతే

ఆ ఫలితం అనుభవించే యజమానివి కూడా నువ్వే అవ్వాలి

ప్రజలకి ఉపయోగపడేలా ఏదైనా చేసి సంపాదించాలి

ఈత రాకున్నా నీటిలో దూకేయ్ 

అని చెప్పటం కాదు నా ఉద్దేశం

భయపడి ఒడ్డునే ఆగిపోతే

ఎప్పుడు నేర్చుకుంటావ్ ఈదటం


పని నేర్చుకో కొంతకాలం

మెళకువలు అర్థం చేసుకో ఇంకొంత కాలం

నిలదొక్కుకునేంత వరకూ

ఇల్లు గడవడానికి కొంత దాచుకుని

ఇక అడుగుపెట్టు నీ ఆశల బజారులో

అనుకున్నది సాధించగలవు తొందరలో

naveenchenna.s@gmail.com